An insightful article in the Chamorro language about independence for Guam, written by Peter Onedera for the Pacific Daily News in 2010. Onedera is not an official member of the Independence for Guahan Task Force, but he has been a longtime activist for Chamorro rights and the revitalization of Chamorro language and culture.
*****************
Kao esta måtto i tiempo para ta hassuyi Indipindiente?
By Peter R. Onedera
GUAM PDN
September 21, 2010
Ha sangåni yu’ si nanå-hu gi i dinikike’-hu, na gi i tinituhon i gera, ha lakngos i Estådos Unidos i militåt-ña giya Guåhan ya ha bira siha tåtte para i sanlagu. Ti hu komprende este guihi na tiempo sa’ hagas di hu pega gi i hinasso-ku na maneståba ha’ i militåt todu i tiempo ya siha manma espipiha nu i sendålon CHapanes, lao in fin, tumunok asta unu ha’ na taotao, si George Tweed, marinon Estådos Unidos.

Taimanu na manggof metgot siñenten-ñiha i Mañamoru put iya Estådos Unidos sa’ annai manmåtto ya ma na’fanlibre i tinaotao, meggai na silebrasion gi enteru i isla. Kantidå na estoria siha ginen as nanå-hu yan i manachaiguå-ña ya manmåtto di manggof dibotu para håfakao na Amerikånu ni’rumiprisesenta iya Estådos Unidos. Simbolo i banderan Gloria para ayu na linibre ni’ mumalingu gi durånten i gera.

Annai umåmko’ yu’, ma iduka yu’ mås put i presion inapåsi ginen i Mañamoru para ayu na linibre yan på’go kulan ti siguru yu’ esta put i entension iya Estådos Unidos ni’ tratamento-ña nu hita tåtkumu tiritoriåt taidinanña’ (ti akomprendiyon este). Mistet buente bai hu patriåtku sa’ magof yu’ ni’ salåppe’ Amerikånu yan i kombiñenten ayu na kostumbre, desdeki sesteman idukasion asta guatu gi i sinostienen lina’la’, ya ha na’fanhahasso yu’ nu i hinanånao-ta, piot i hinatsanhulo’ militåt, kao båli håfa bidadå-ña iya Estådos Unidos nu hita.

Gi kinahulo’-hu, tåya’ yu’ na hu fattoigue otro båndan kollat gi iya NAS Hagåtña, ni’, gi lahihot para songsong-hu, iya Espitåt Marinu yan i sagan ginima’-ñiha gi iya Tutuhan. Ayu dångkolon tiningo’-hu na guaha kumunidåt entre sanhalom kumunidåt gi ayu mismo na lugåt ya probidu para bai in hatme. Bula kuestion-hu siha guihi na tiempo ya tåya’ siña hu faisen sa’ tåya’ tiningo’-hu na taotao militåt.
Continue reading “Kao esta måtto i tiempo para ta hassuyi Indipendiente?”

Advertisements