From the book, I Manmañainå-ta: I Manmaga’låhi yan i Manmå’gas ; Geran Chamoru yan Españot  by Eddie L.G. Benavente (2007)

******************

Matatnga na må’gas Si Ahgao. Sesso di mumu kontra I Españot gi manmaloffan na tiempo. Ma nota gi 13 gi Måyu gi 1672 na såkkan na sumaonao humunta para u fanakonfotma pas ya mandaña’ Si Ahgao, Si Hurao yan un bachet åmko’, yan noskuantos na påle’ yan 27 na sindalon Españot. Manhuhunta gi halom guma’ påle’ pues gotpe ha’ sin hafa rason manmanugon i sindalon Españot ya ma tutuhun manmamamaki. Ma paki Si Hurao yan i bachet na åmko’ gi tatalo’-ñiha. Achapoddong ha’ i dos ya måtai. Guihi ha’ na momento ha laknos I gachai-ña Si Ahgao ya ha difende gui’ kontra i sindålu siha. Sigi di sumeha Si Ahgao esta ki humihot gui’ guatu gi saddok Hagatña ya ayu nai ha yute’ gui’ pappa’ gi halom i hanom yan muñangu para i otro banda. Tåya’ mas madokumenta put hafa humuyong-ña Si Maga’låhi Ahgao gi duranten I Geran Chamoru yan Españot.

Advertisements